Tuloy po kayo sa Filoli!

Tuloy po kayo sa Filoli!

Sa Filoli, nagbibigay kami ng inspirasyon sa pang-araw-araw na buhay sa pamamagitan ng pagbubukas ng aming Bahay, Hardin, at nature preserve sa lahat. Matatagpuan 30 milya sa timog ng San Francisco, ang Filoli ay nananahan sa isang dahilig ng Santa Cruz Mountains at napalilibutan ng protektadong Peninsula Watershed. Bukas kami araw-araw mula 10am-5pm para sa mga ibig bumisita. Kailangang magpareserba.

Keytree

Admisyon

10am - 5pm

Museums for All

Ipinagmamalaki ng Filoli ang pagiging kalahok nito sa Museums for All, na nag-aalok ng libre at pinababang admisyon sa mga may SNAP EBT card. Magpadala lamang ng email sa tickets@filoli.org para maipareserba ang inyong admisyon sa Museums for All.

Discover & Go

Nagbibigay ang Discover & Go sa mga may library card ng libreng pass sa mga lokal na museo at iba pang institusyong pangkultura. Alamin pa ang tungkol sa dito.

Blue Star Museum

Ipinagmamalaki ng Filoli ang pagiging kasali sa Blue Star Museums, na nagbibigay ng libreng admisyon sa mga aktibong tauhan ng militar ng bansa at kanilang mga kapamilya. Mag-email sa tickets@filoli.org para magpareserba ng admisyon sa Blue Star Museums.

Aksesibilidad

Makikita sa ibaba ang impormasyon tungkol sa aksesibol na paradahan, mga banyo, magagamit na wheelchair, mga service animal, at iba pa rito.

Pakitandaan na walang mauupahan o mahihiram na mga wheelchair, walker, o iba pang device na pantulong mula sa Filoli.

Mga dadalhin

Shoe Copy

Komportableng sapatos

Water Copy

Tubig

Mask Copy

Pantakip ng Mukha Para Sa Mga Espasyong Panloob

Mga dapat iwan

Cigarette Copy

Bawal Sigarilyo

Dog Copy

Mga Alagang Hayop o Emotional Support Animal

Ball Copy 2

Kagamitang Pang-isports

Drone Copy

Drone

Namnamin ang Tag-araw

Mga puwedeng tingnan at gawin sa season na ito

Inaanyayahan kayo ng mga proyektong B. Flora Parties at Service Learning na sumali. Bumisita sa Bahay para makita ang pana-panahong eksibit na Bringing the Garden Indoors. Sa kahabaan ng season, samahan kami sa Stories in Bloom na nagtatampok ng pagkukuwento ng kababaihan sa lahat ng anyo, kasama ang tula, musika, at sining ng pag-aayos ng bulaklak.

Filoli StrokeLine

Sa Hardin

Aliw ang dala sa mga pandama ng pamamasyal sa Hardin ng Filoli sa tag-init! Langhapin ang mahalimuyak na amoy ng lavender at mga rosas at makukulay na hanay ng mga gulay. Ipinapares ang kulay pilak at asul na mga perennial at succulent sa parada ng halamang taunang namumulaklak ng kulay rosas gaya ng mga begonia, fuchsia, at zinnia.

Yoko Kubrick Sculpture Exhibit

Hunyo 1 - Nobyembre 6, 2023

Tuklasin ang mga walang kupas na kuwento ng Metamorphosis ni Ovid sa pamamagitan ng abstrak na eskulturang marmol ni Yoko Kubrick na itinatampok sa Bahay at Hardin ng Filoli. Nilalangkapan ng mga likha ni Kubrick ang mga klasikong bayaning babae ng sarili niyang wika ng anyo at kalikasan.

Summer Nights

Huwebes, 5-8pm, Hunyo 1-Setyembre 21, 2023

Mamasyal at mamangha tuwing Huwebes ng gabi! Magdahan-dahan, amuyin ang mga rosas, at panoorin ang paglubog ng araw sa likod ng mga bundok. Makipagkita sa mga kaibigan para uminom sa Bluebird Bar o mamahinga sa damuhan kasama ang inyong pamilya. Kumain sa lokal na food truck o sa isa sa mga pop-up cafe habang tumutugtog ang mga himig na acoustic.

Summer Stage

Live na musika, sayaw, at mga sining ng pagtatanghal

Isinasagawa ang masiglang live na mga pagtatanghal sa harap ng makasaysayang Bahay.  Habang lumulubog ang araw sa likod ng mga bundok ng Santa Cruz, mag-relaks sa Meadow nang may hawak na inumin at i-enjoy ang talento at pagkakaiba-iba ng mga komunidad na nagtatanghal ng sining mula sa Bay Area.

Flora & Garden Parties

Pumili ng mga Petsa sa season na ito

Magsaya isang hapon kasama ang mga kaibigan at mga bulaklak sa Hardin ng Filoli. Makagagawa kayo ng mga alaalang magtatagal at makalilikha kayo ng magagandang bagay na maiuuwi ninyo. Nagtatanghal ng bagong party sa bawat season.

Service Learning

Mga bagong pagkakataon sa pagboboluntaryo sa 2023

Nagbibigay ang programang Service Learning ng Filoli ng libreng karanasang matuto tungkol sa iba't ibang paksa, gaya ng paghahalaman at tips and tricks sa hardin, na may kasamang pagkakataong magboluntaryo para suportahan ang Filoli. I-enjoy ang oras kasama ang kapamilya at mga kaibigan, makakilala ng mga bagong tao, magbabad sa kagandahan ng Filoli, at magbigay sa pinahahalagahang rekurso ng komunidad sa pamamagitan ng pagseserbisyo. Walang minimum na kinakailangan o pinakamaikling oras ng pagseserbisyo. Maaaring mag- sign-up ang sinuman para sa isang programa lamang, o kahit ilang programa ang gusto mo.

Daily Talks

Hulyo 29 at 30, 2023

Araw-araw, nag-aalok ang Filoli ng libreng 15-minutong panayam sa ganap na 12pm at 2pm. Hindi kailangang magpareserba! Nag-iiba-iba ang mga paksa sa bawat araw at panahon. Alamin ang mga detalye tungkol sa iniaalok na paksa sa panahon ng inyong pagbisita sa Information Cart.

Nasa wikang Ingles ang mga panayam sa Daily Talks ng Filoli.

Art Walk

Hulyo 29 at 30, 2023

Nagbebenta ng kanilang nilikhang sining ang mahigit sa 40 piniling lokal na artista sa buong Hardin ng Filoli. Mamasyal habang napaliligiran ng mga bulaklak at tumitingin sa orihinal na mga pinta, limbag, seramika, alahas, tela, at marami pa. Kasama na ang Art Walk sa admisyon sa Filoli.

Bilihan at Kainan

Filoli StrokeLine

Ang Clock Tower Shop

Oras: 10am-5pm araw-araw

Puno ng maraming uri ng magaganda at natatanging produkto at masasarap na pagkaing bagay na bagay sa pagreregalo.

Ang Quail's Nest Café

Oras: 10am-4:30pm araw-araw

Matatagpuan ang Quail's Nest Café sa Filoli Visitor and Education Center, sa likod mismo ng kiyosko para sa check-in. Tuklasin ang masasarap na pana-panahong paborito mula sa mga sariwang salad at sandwich hanggang sa mga minatamis.

Pagiging miyembro

Taglamig, tagsibol, tag-araw, o taglagas man, bukas ang Filoli sa mga miyembro!

Magpamiyembro na para makaranas sa buong taon ng walang katapusang aktibidad na sadyang natatangi at nakapagpapanumbalik. Nakakatanggap ang mga miyembro ng mga benepisyo tulad ng libreng pangkalahatang admisyon, diskuwentadong admisyon sa panahon ng napakasikat na Holidays at Filoli, mga diskuwento sa Shop at Café, akses sa eksklusibong nilalaman at marami pang iba!

Nagsisimula ang mga membership sa $105 para sa inyo at isang bisita ($85 para sa mga 65+ taong gulang) at $159 naman para sa isang pamilya; Sulit na sulit para sa mga bumibisita nang magkakasama. Kung balak niyong bumisita nang madalas, subukan niyo nang maging miyembro!

Mga Pribadong Renta

Filoli para sa bawat pagdiriwang

Bilang katangi-tanging pagtutuluyan para sa mga pagdiriwang, pagpupulong, corporate at team building na aktibidad para sa mga grupo mula 10 hanggang 2,000, lagi't laging may maihahandog ang Filoli para sa bawat uri ng kliyente. Hapunan man ito sa ilalim ng mga bituin sa Woodland Garden Court, minimithing kaarawan na may live na palabas sa Ballroom, o pagdiriwang ng kaarawan sa pool sa tag-init, bukod-tangi ang Filoli bilang lugar na tiyak na mag-iiwan ng mga alaalang panghabambuhay.

Mga Tuntunin sa Pagbisita

  • Kinakailangan ang mga online advanced ticket para sa lahat ng bisita, kasama na ang mga miyembro
  • Nagsasara ang Estate Trail nang 4 pm
  • Ang makasaysayang Bahay ay bukas nang 11am - 4:30pm
  • Isinasara at nililinis ng Filoli ang lugar nang 5pm
  • Bukas ang Café mula 10am - 4:30pm
  • Kasalukuyang hindi bukas sa publiko ang mga sesyon ng potograpiya at hindi tatanggapin ang mga kahilingan para rito. Inaaanyayahan namin kayong kumuha ng sarili ninyong litrato alinsunod sa mga tuntuning ito: filoli.org/personal-photography

Impormasyon Para sa mga Bisita

  • Simulan ang inyong pagbisita sa pagpapatala sa kiyosko ng admisyon sa labas
  • Ayon sa mga tuntunin ng county kinakailangang magsuot ng pantakip sa mukha ang lahat ng bisita sa loob ng Filoli anuman ang kalagayan sa pagbabakuna
  • I-download o i-print ang mapa ng Filoli kung ibig niyong sumangguni rito sa panahon ng inyong pagbisita
  • Hindi pinahihintulutan ang mga lobo, props, pagpapalit ng damit, pagkuha ng litrato para sa kasal at malalaking kagamitang pampotograpiya
  • Pinapayagan lang ang pagpipiknik sa lugar ng piknik.